Ինչպես
գրում է Վեդոմոստին` վկայակոչելով Wall Street Journal-ը, մինչ օրս
Google-ը չէր հավաքել այսքան տվյալներ իր օգտատերերի վերաբերյալ, ավելին`
տարբեր ծառայություներից հավաքված տեղեկություններն առանձնացված էին: Իսկ
այժմ բոլոր տվյալները կմիացվեն:
Google-ը
ստիպված էր դիմել այս քայլին Facebook-ի հետ սրացող մրցակցության
պատճառով, քանի որ Facebook-ին հաջողվել էր շատ հետաքրքրիր տեղեկություններ
տրամադրել գովազդատուներին իր 800 մլն-ոց լսարանի վերաբերյալ:
"Այժմ
Google-ը կկարողանա հետեւել ձեզ ամենուրեք, որտեղ դուք հայտնվեք` թե
համացանցում, թե իրական կյանքում, եթե խոսքը գնում է բջջային հեռախոսների
մասին: Ոչ մի կազմակերպության չի կարելի վստահել անձնական տվյալների
այսպիսի ծավալ”, - ասում է ամերիկացի անկախ հետազոտող Քրիստոֆեր Սաղոյանը:
Սակայն
Google-ի ներկայացուցչները պնդում են, որ ընկերությունը նոր
տեղեկություններ չի հավաքում իր օգտվողների վերաբերյալ, այլ միայն
համախմբում է ունեցածը` ծառայության որակը բարելավելու նպատակով: Օրինակ`
միավորելով օգտվողի գտնվելու վայրի եւ ծրագրված միջոցառումների մասին
տվյալները, ընկերությունը կկարողանա նախազգուշացնել նրան հանդիպման
հավանական ուշացման մասին:
| 
1 Ադմինիստրատոր 
6077 Սովորական այցելու 
5277 տղամարդ 
827 կին
